ٽاڊ جيمز (James Tod ):انگلستان جو ليکڪ ٽاڊ جيمز 1782ع ۾ انگلستان ۾ ڄائو. هو انگلستان مان تعليم حاصل ڪري انڊيا ڪمپني'>ايسٽ انڊيا ڪمپني ۾ نوڪري ڪرڻ لاءِ هندستان آيو. هن 5 سال، 1812ع کان 1817ع تائين گواليار جي ريزيڊنسي ۾ گذاريا ۽ راجسٿان جي باري ۾ وڏي معلومات گڏ ڪئي. هو مغربي راجپوتن جي رياستن جو 1818ع کان 1823ع تائين پوليٽيڪل ايجنٽ رهيو. ان کان پوءِ ٽاڊ جيمز انگلستان هليو ويو، جتي هن کي رائل ايشيائٽڪ سوسائٽي جو لائبريرين مقرر ڪيو ويو. ان دور ۾ هن ”راجسٿان“ جي نالي سان هڪ ڪتاب لکيو،جيڪو گهڻو مشهور ٿيو. مغربي هند جي سياحت جي سلسلي ۾ هن جو سفرنامو به گهڻو مشهورآهي. ٽاڊ جيمس 1835ع ۾ گذاري ويو.
1782.00.00 عيسوي
انگلستان جو ليکڪ ٽاڊ جيمز 1782ع ۾ انگلستان ۾ ڄائو
1835.00.00 عيسوي
ٽاڊ جيمس 1835ع ۾ گذاري ويو